Есірткі сатумен айналысқан облыс тұрғынына қатысты сот үкімі шықты, деп хабарлайды Qyzyljarnews.kz тілшісі.
СҚО прокуратурасының мәліметінше, облыстық қылмыстық істер жөніндегі мамандандырылған ауданаралық сотында алқабилер алқасының қатысуымен И.-ға қатысты сот отырысы өтті.
– Айыптаушы тарап алқабилерге салмағы 2,5 кг-нан асатын есірткі құралы гашиштың оралған дозаларын сату мақсатында жалға алынған пәтерде И.-дың аса және ірі көлемде салмағы 600 грамнан асатын кептірілген марихуананы «Telegram» мессенджері арқылы және үлкен мөлшерде 13 гр. гашиш заңсыз сақтағаны туралы даусыз дәлелдемелерді ұсынды. И.-дың кінәсі пәтерді тінту хаттамасында сатуға дайындалған заттарды жеке пайдалануына жол бермейтін мөлшерде анықтау, сараптамалар, ұялы телефонда есірткі сатып алу туралы хат алмасумен дәлелденді, — делінген прокуратура хабарламасында.
Сот үкімімен Қазақстан Республикасы Қылмыстық кодексінің 297-бабының 3-бөлігінің 3,5-тармағы бойынша орташа қауіпсіз мекемеде 10 жылға бас бостандығынан айыру жазасы тағайындалып, ұялы телефоны қылмыс жасау құралы ретінде тәркіленді.
Үкім заңды күшіне енген жоқ.
