175
Волейболдан ерлер командалары арасындағы ұлттық лига ойындарының 3-ші туры Орал қаласында өтіп жатыр. Облыс намысын қорғап жатқан «Есіл-СҚ» командасы турнир кестесінде 4-ші орында жайғасқан, деп хабарлайды Qyzyljarnews.kz тілшісі.
Жерлестеріміздің еншісінде – 27 ұпай. Көш басында «Павлодар» клубы жайғасса, екінші орында оралдық «Жайық» командасы келе жатыр.
Ұлттық лиганың 3-ші туры аясында солтүстікқазақстандық волейболшылар бес ойынның төртеуін өткізіп, тек біреуінде ғана жеңіліске ұшырады.
Кеше ғана «Есіл-СҚ» командасы «Атырау» клубымен ойнап, 3:1 есебімен жеңіске жеткен болатын. Бүгін жерлестеріміз оралдық «Жайықпен» кездеседі. Ойын сағат 17:30-да өтеді деп жоспарланып отыр.
