Облыс полицейлері «Қару иесі» акциясын өткізуде. Оның аясында тәртіп сақшыларымен 1370 қару иесі тексерілді, деп хабарлайды Qyzyljarnews.kz тілшісі.
Акция кезінде қаруды сақтау ережелерін бұзудың 11, қайта тіркеу мерзімінің 12 бұзу фактісі анықталды. Сондай-ақ қаруды заңсыз сақтаудың 4 фактісі белгілі болды.
Қызылжар ауданындағы 39 жастағы ауыл тұрғынынан гаражда тіркелмеген «ИЖ-18» тегіс ұңғылы мылтық және оған қосымша оқпан табылды, алынған қару сараптамаға жіберілді.
-Егде жастағы қару иелерімен учаскелік инспекторлар қауіпті заттардан бас тартуды ұсына отырып, қосымша профилактикалық әңгімелер жүргізеді. Екі зейнеткер тиісті мәлімдемелер жазып, 12 калибрлі «ТОЗ-34» мылтықтарын өз еркімен полицияға тапсырды, — дейді Қызылжар аудандық полиция бөлімі бастығының бірінші орынбасары, полиция майоры Рустам Садулов.
