Солтүстік Қазақстан облысында инвестор экологиялық қорытынды алса да, зауыт құрылысын бастай алмаған. Мәселе облыстық прокуратураның араласуымен шешімін тапты, деп хабарлайды Qyzyljarnews.kz.
СҚО прокуратурасының мәліметінше, «TFA GROUP» ЖШС Петропавлда құны 9,2 млрд. теңге болатын «керамикалық кірпіш өндіретін зауыт салу» жобасын іске асыруды жоспарлап отыр. Ол іске қосылса 105 жаңа жұмыс орны ашылады.
– Экология департаменті инвесторға зауыт құрылысын «Севказэнерго»АҚ-мен келісімімен ашуға болатынын айтқан. Өз кезегінде монополист қажетті рұқсат құжаттарға қол қоймады. Бұл ретте келісу міндеті заң төңірегінде міндеттелмеген. Облыс прокуратурасының фронт-офис алаңында экология департаменті бюрократиялық кідірістерге жол бермеуге және инвесторлардан артық құжаттаманы талап ету практикасын тоқтатуға бағытталып, инвесторға қатысты мәселе оң шешімін тапты, – делінген прокуратура мәліметінде.
Инвестор оң экологиялық қорытынды алды. Прокуратура жобаны сүйемелдеуді жалғастыруда
