82
Жыл басталғалы Петропавлдағы травматологиялық орталық дәрігерлерінің көмегіне 1000-нан астам тұрғын жүгінді, деп хабарлайды Qyzyljarnews.kz тілшісі.
СҚО денсаулық сақтау басқармасының мәліметінше, қаңтар айында түрлі дене жарақатын алған 1300-ден астам қала тұрғынына медициналық көмек көрсетілді. Оның дені көшеде абайсыздан құлағандар екен. 100-ден астамы жедел түрде ем қабылдауға жатқызылды.
– Травматологиялық орталыққа күніне 50 шақты адам келеді. Аяздан аяқ-қолын үсітіп алғандар да баршылық. Қаңтар айында 16 тұрғын осы мәселемен дәрігерлердің көмегіне жүгінді, — дейді көп бейінді қалалық жедел медициналық жәрдем ауруханасы травмотология орталығының меңгерушісі Валерий Грибашов.
