62
Жыл басынан бері облыста 38 өрт оқиғасы тіркелді. Бұл туралы СҚО ТЖД өткен баспасөз мәслихатында мемлекеттік өртті бақылау басқармасының бастығы Аслан Ахметжанов айтты, деп хабарлайды Qyzyljarnews.kz тілшісі.
Оның айтуынша, өңірде тіркелген өрт оқиғалары кезінде қызыл жалын 3 адамның өмірін қиып, 4 адам түрлі дене жарақатын алды.
– Бүгін Петропавлда екі пәтерлі тұрғын үй өртеніп, төтенше жағдай орын алған жерде 1957 жылы туған әйелдің мүрдесі табылды. Тілсіз жау 50 шаршы метр аумақты қамтыды, — дейді Аслан Ахметжанов.
Мамандардың статистикалық мәліметтеріне сәйкес, жыл басынан бері тіркелген өрт оқиғаларының 71 пайызы, яғни 27 дерегі жеке тұрғын үй секторында орын алды.
