Облыс әкімі Ғауез Нұрмұхамбетов Жамбыл Жабаев, 38 мекенжайында орналасқан көпқабатты үйде болып, құрылыс кезінде кеткен кемшіліктерді түзетуге тапсырма берді, деп хабарлайды Qyzyljarnews.kz.
Жамбыл Жабаев, 38 мекенжайы бойынша орналасқан көпқабатты үй тұрғызғалы тұрғындар құрылыс жүргізген компанияға бірнеше рет шағымданған. Алайда баспананың олқылықтары түзетілмеді. Мәселені назарға алған облыс әкімі тиісті органдарға тапсырма берді. Белгілі болғандай, бас мердігер міндеттемелерін орындамай, үйдің құрылысын аяқтауға басқа құрылыс компаниялары тартылған еді. Дегенмен, орындалған жұмыстардың сапасына қатысты сұрақтар әлі де бар.
– Үйді аралап шыққан соң қала басшылығына мердігерді анықтап, барлық кемшіліктерді жоюды тапсырдым. Пәтер иелерінің тілектерін ескеру маңызды. Кемшіліктерді түзету жұмыстары көктемде басталады, бұл мәселе менің бақылауымда, — деді СҚО әкімі Ғауез Нұрмұхамбетов.
