165
Ақжар аудандық төтенше жағдайлар жөніндегі бөлімнің қызметкерлері №8 өрт сөндіру бөлімінің жеке құрамымен бірлесе қар құрсауынан 8 адамды, оның ішінде 3 баланы құтқарды, деп хабарлайды Qyzyljarnews.kz тілшісі.
СҚО ТЖД мәліметінше, оқиға жайлы хабар бүгін таңғы сағат 05:27-де «112» нөміріне келіп түсті. Белгілі болғандай, Бостандық ауылының маңында 8 жолаушысы бар «Лада Гранта» және «Лада Веста» көліктері қар құрсауында қалды. Төтенше жағдай орнына бірден құтқарушылар жіберілді.
– Өрт сөндіру бөлімінің «ТРЭКОЛ» техникасы көмегімен қар құрсауында қалғандар Бостандық ауылына жеткізілді. Барлығы да дін аман. Құтқарушылар ауа райы бұзылған уақытта жолға шықпауды сұрайды, — дейді СҚО ТЖД қоғаммен байланыс тобының қызметкерлері.
