Петропавлда су тасқынын болдырмау мақсатында әрбір қала тұрғыны өз аула маңын қардан тазартауы қажет. Сондай-ақ коммнулдық қызметтерді атқарып жүрген кәсіпорындар көшедегі суағарларды көктемге дейін қалыпқа келтіруі маңызды. Бұл пікірді шаһар басшысы облыс әкімінің халықпен кездесуінде айтты, деп хабарлайды Qyzyljarnews.kz тілшісі.
Кездесуде қала басшысы тұрғындарға аула аумағын тазалап, жол бойынан қар жинау кестесі бекітілгенін айтты.
– Қыс басталғалы коммуналдық қызметтер қала көшелерінен 600 мың текше қар шығарды. Біздің бірінші міндетіміз су басу қауіпі жоғары шағынаудандарды ақұлпадан тазарту. Әсіресе Заречный, Жұмысшы кенті, Былғары зауыты, Ойқала аймақтары жіті бақылауда болады. Жеке секторды қардан тазарту жұмыстары әлі де жалғасып келеді. Өйткені сол аймақтар арқылы көлік құралдарының үлкен ағыны өтеді. Сонымен қатар, техника кішігірім көшелерге кіреді, алдымен біз жолдарды қар үйінділерінен босатамыз. Бұл коммуналдық қызметтердің ауыр жүк техникасының кедергісіз өтуі үшін қажет, — Серік Мұхамедиев.
