164
«Қазгидромет» РМК мамандары ақпанның 24-і мен 26-сы күндері аралығында елімізде ауа райы қандай болатынын айтып берді. Болжам бойынша, Қазақстанның солтүстігінде аяз басылады, деп хабарлайды Qyzyljarnews.kz.
Еліміздің батысында антициклонның әсері сақталады, жауын-шашынсыз ауа-райы күтіледі. Республиканың қалған бөлігінде, атмосфералық фронттардың өтуімен еліміздің оңтүстігінде және оңтүстік-шығысында жауын-шашын көбінесе қар түрінде, тұман және көктайғақ болжанады.
Еліміздің батысындағы температуралық фонда айтарлықтай өзгерістер күтілмейді, ауа температурасы республиканың солтүстігі мен орталығында — түнде 22-35 аяздан 10-23 аязға дейін жоғарылайды, шығыста түнде 12-22 аяздан 23-38 аязға дейін төмендейді, оңтүстік және оңтүстік-шығыста 8-23 аязға дейін аздаған төмендейді.
