Петропавлдағы №10 мектеп оқушыларының ата-аналары облыс әкімі Құмар Ақсақаловқа кабинеттердің суықтығына шағымданды. Бұл өтініш облыстық әкімдіктің ресми сайтында жарияланған, деп хабарлайды qyzyljarnews.kz тілшісі.
Хатта мектептегі жылу құбырларының суық, сондықтан кабинеттердің іші салқын екені жазылған. Жылыту қондырғыларын қойғанымен, қайран жоқ. Ал қондырғыларды көптеп қойса, электр қуаты өшіп қалады. Ата-аналардың айтуынша аязды күндер әлі алда, балалар болса мектепте бүрсеңдеп отыр. Олар бұл хатты Nur Otan партиясының жергілікті филиалына да жолдаған.
Бұл сауалға облыстық білім басқармасының басшысы Нәзір Жәшібеков жауап берді. Оның айтуынша, қазіргі күні мектептегі температуралық режім қалпына келді. Жылыту жүйесіндегі су сорғысының істен шығуына байланысты біраз қиындықтар туындаған. Қазіргі күні қалыпты жағдайда, санитарлық талаптарға сай жұмыс істеп тұр.
