143
СҚО-да түзеу мекемесіне ұялы телефондарды өткізбек болған азамат анықталды, деп хабарлайды Qyzyljarnews.kz.
Бақылау-із жолағын аралау барысында СҚО бойынша ҚАЖ департаментінің №48 мекемесінің қызметкерлері 6637 әскери бөлімінің әскери қызметшілерімен бірлесіп, таспамен оралған полиэтилен пакеттерден екі орамды тапты. Тексеру барысында 4 телефон, 6 бірлік SIM-карта және 4 қуаттағыш тәркіленді.
Жедел-іздестіру іс-шараларын жүргізу барысында осы іске қатысы бар Р. есімді азамат анықталды. ҚР ӘҚБтК-нің 481-бабы бойынша әкімшілік жауапкершілікке тарту үшін материал жиналды.
