65
Бүгін қаламызда Наурыз мейрамына арналған республикалық ақындар айтысы өтті. Еліміздің түкпір-түкпірінен келген мықты айтыскерлердің додасын өңір тұрғындары мен облыс әкімі Ғауез Нұрмұхамбетов тамашалады, деп хабарлайды Qyzyljarnews.kz.
Республикалық ақындар айтысы басталмас бұрын облыс әкімі барша өнер сүйер қауымды Наурыз мерекесімен құттықтады.
Өңір басшысы қазылар алқасын бастаған, айтыс өнерінің дамуына сүбелі үлесін қосқан Жүрсін Ерманға ризашылығын білдіріп, иығына шапан жапты. СҚО әкімі қазақтың төл өнерін жаңғыртып жүрген суырып салма айтыскер-ақындарға алғысын айтып, шабыт пен шығармашылық табыстар тіледі.
