Петропавлдағы М.Қозыбаев атындағы Солтүстік Қазақстан университеті ақпараттық және коммуникациялық технологиялар саласындағы әлемдік көшбасшы «Huawei» компаниясымен өзара ынтымақтастық туралы меморандумға қол қойды, деп хабарлайды Qyzyljarnews.kz тілшісі.
«Huawei» компаниясы телекоммуникация, есептеу, жасанды интеллект салаларындағы инновациялық жобалармен әлемге танымал. Соңғы жылдары алпауыт фирма халықаралық цифрлық инфрақұрылымды дамытуға өз үлесін қосып келеді.
Биыл «Huawei» Петропавлдағы жалғыз жоғары оқу орнымен меморандум жасасты. Бұл құжат инженерлік және сандық технологиялар факультетінің студенттері мен ғалымдары үшін зерттеулер, білім беру, инновациялар саласында жаңа мүмкіндіктер ашпақ. Мұндай ынтымақтастық «Huawei» компаниясының білім беру ортасына қол жеткізуге мүмкіндік береді.
