Автожуу орталығындағы көлік өртке оранды

Петропавлдағы «Бейбарыс» автожуу орталығының ғимаратында болған «Land Cruiser Prado» маркілі көлігі өртенді, деп хабарлайды Qyzyljarnews.kz тілшісі.

СҚО ТЖД баспасөз қызметінің мәліметінше, төтенше жағдай наурыздың 31-і күні сағат 21:30-да орын алды. Победа, 4А мекенжайы бойынша орналасқан ғимаратта өрт оқиғасы тіркелді.

– «Бейбарыс» автожуу орталығында болған көлік өртке оранды. Қызыл жалынның салдарынан теміртұлпардың қозғалтқыш бөлігіне зақым келді. Тілсіз жау сағат 21:51-де ауыздықталды. Қазіргі уақытта оттың шығу себебі анықталып жатыр, — дейді баспасөз қызметінде.