Жыл басынан бері облыста сыбайлас жемқорлықты алдын алуға бағытталған шараларды қабылдамаған екі басшы әкімшілік жауапкершілікке тартылды. Олар табыс жайлы ақпарат беретін декларация тапсырмаған азаматтарды жұмысқа алған, деп хабарлайды Qyzyljarnews.kz тілшісі.
Антикор қызметінің мәліметінше, қос басшы ҚР «Әкімшілік құқық бұзушылықтар туралы» Кодекстің 680-бабы бойынша жазаланып, заң бұзуға барғандарға 426100 теңге көлемінде айыппұл салынды. Барлық сома өтелді.
– Сыбайлас жемқорлыққа қарсы іс-қимыл департаментінің басты міндеті – жемқорлық фактілерін алдын алу. Бұл ретте, антикор қызметі ҚР «Әкімшілік құқық бұзушылықтар туралы» Кодекстің 15 бабы бойынша әкімшілік хаттама толтыруға құқығы бар, — дейді СҚО сыбайлас жемқорлыққа қарсы іс-қимыл департаменті басшысының бірінші орынбасары Айдос Жүнісов.
