Облыста су тасқыны кезінде екі баланың қайтыс болғанын хабарлаған күдікті анықталды. Ол жалған ақпаратты «Tik Tok» әлеуметтік желісінде таратқаны белгілі, деп хабарлайды Qyzyljarnews.kz тілшісі.
СҚО прокуратурасының мәліметінше, Петропавл қаласының мамандандырылған әкімшілік сотының қаулысымен жалған ақпарат таратқан азамат Әкімшілік құқық бұзушылық туралы кодекстің 456-2-бабы 3-бөлігі бойынша 73 840 теңге көлемінде айыппұл түрінде әкімшілік жауапкершілікке тартылды.
– Жалған ақпаратты әлеуметтік желілерде және мессенджерлерде орналастыру, тарату заң бойынша жазаланады. Ол үшін Әкімшілік құқық бұзушылық туралы кодекстің 456-2-бабының 3 -бөлігі (73840 теңге айыппұл түрінде) және Қылмыстық кодекстің 274-бабы бойынша тиісті жауапкершілік (3 692 000 теңге айыппұл немесе 3 жылға дейін бас бостандығынан айыру түрінде) қарастырылған, — делінген прокуратуа хабарламасында.
