Облыста су тасқынынан зардап шеккендерге біржолғы әлеуметтік көмек төлемдері берілетіндер тізімі жасақталуда. Сәуірдің 18-і күнгі ақпаратқа сәйкес, жұмыспен қамту және әлеуметтік бағдарламаларды үйлестіру басқармасына 1 092 отбасы жүгінді, деп хабарлайды Qyzyljarnews.kz тілшісі.
СҚО әкімдігінің мәліметінше, тасқын судың салдарынан зардап шеккендерге жан-жақты көмек көрсетіледі. Оның бірі – біржолғы әлеуметтік төлемдер.
– Өңір тұрғындары материалдық көмек алуға өз өтініштерін беріп жатыр. Бүгінгі уақытта 1092 отбасыға 403,2 млн. теңге қаражат қарастырылған. Сондай-ақ қазіргі кезде Тайынша ауданындағы үйлерге келтірілген материалдық залал көлемі есептелуде. Қалада бұл жұмыс су деңгейі төмендегеннен кейін басталады, – дейді СҚО қаржы басқармасының жетекшісі Наталья Дышкант.
