Су тасқыны кезінде теріскейге келген Алматы қалалық төтенше жағдайлар департаментінің қызметкерлері үйлеріне қайтты. Бүгін Абай өңірінің құтқарушылары туған жерлеріне оралмақ, деп хабарлайды Qyzyljarnews.kz тілшісі.
Облысқа су тасқынының бірінші толқынымен күресуге Алматы, Павлодар, Астана, Абай, Ұлытау және Қарағанды құтқарушылары келген болатын. Олардың жалпы саны 5200 маманды құрады.
– Өзге облыстардан келген құтқарушылар бөгеттерді нығайтуға, ауыл және қала тұрғындарын қауіпсіз жерге шығаруға көмектесті. Олардың еңбегі зая кетпеді. Тасқын су бәрімізді біріктірді. Бүгін біз Абай облысынан келген ТЖД мамандарын шығарып саламыз. Кейін басқа аймақтардан келген қызметкерлер үйлеріне қайтады, — дейді СҚО ТЖД су тасқынына қарсы жедел штабтың бастығы Аслан Ахметжанов.
Бүгіндері су тасқынының бірінші толқыны шарықтау шегіне жетті.
