Су тасқыны кезінде “Жол активтері сапасының ұлттық орталығы” РМК Солтүстік Қазақстан облыстық филиалының қызметкерлері де бөгеттерді нығайтып, табиғи апатпен күресуге атсалысты, деп хабарлайды Qyzyljarnews.kz тілшісі.
Табиғи апат қаламыз бен оның тұрғындарына қауіп төндірген шақта “Жол активтерінің сапасы ұлттық орталығы”филиалының қызметкерлері елмен иық тірестіре қала іргесіндегі бөгетті нығайтуға атсалысуда. . Олар құм салынған қапшықтармен бөгет жасау жұмыстарын атқаруда.
Айта кету керек, су шаю қаупі бар жерлердің барлығында бөгеттерді нығайту жұмыстары тынымсыз жүргізілуде. Бұл ретте облыс оратлығының бірнеше аудандары, әсіресе Есіл өзенінің жағасында орналасқан мекендерге төнген қауіп жоғары.
-Бұл біздің қаламызда болмаған жағдай. Бұған дейін өзен тасығанымен дәл биылғыдай жайылмайтын. Әрі күннің күрт жылынуының салдарынан сең жүріп, бағандарды құлатып жатыр. Бұл қауіпті еселеп отыр. Сондықтан біздің мекеме де сырт қалмай, халықпен бірге бөгет салуға келдік, деп атап өтті «Жол активтерінің сапасы» ҰО СҚОФ директоры Жолдыбай Тентеков.
