Полицейлер Тайынша қаласында скутерді мас күйде тізгіндеген жүргізушіні анықтады, деп хабарлайды Qyzyljarnews.kz тілшісі.
СҚО ПД мәліметінше, Тайынша ауданының орталығында учаскелік полиция инспекторы «Yaqi» скутерін тізгіндеген азаматты тоқтатқан. Басқару құқығы жоқ 31 жастағы жүргізушіден спирттің мүңкіген иісі шығып тұрғандығы байқалды. Көлік иесі медициналық сараптамадан өтуге жіберілді. Куәландыру оның алкогольдік мас күйде екенін көрсетті. Тәртіп сақшылары құқық бұзушының үстінен әкімшілік материал жинап, сот жүргізушіге 20 тәулік қамауға алу түріндегі жаза тағайындады.
Сондай-ақ Тайынша қаласында скутер басқарған 15 жастағы жасөспірімнің ата-анасы да жауапкершілікке тартылды. Естеріңізге салсақ, бұл көлік құралын тек 16 жастан бастап пайдалануға болады.
