СҚО-да алдағы үш күнде күн суытып, жауын-шашын күтілуде. Ауа температурасы минус 6 градусқа дейін төмендеп, қар жаууы ықтимал, деп хабарлайды Qyzyljarnews.kz тілшісі.
Облыстың басым бөлігінде жауын-шашын болып, тұман түседі.
— Сәуірдің 30-ы күні облыстың солтүстік-шығысында түнгі уақытта ауа температурасы – 2°C дейін төмендейді. Облыстың оңтүстігінде, батысында жаңбыр жауады. Желдің жылдамдығы күндіз 25 м/с -ге дейін жетпек. Күндіз термометр көрсеткіші + 9°C көрсетпек, – деп хабарлады синоптиктер.
Ал мамыр айының алғашқы күнінде ауа температурасы күндіз + 13 °C дейін жылынғанымен, түнде кей аудандарда – 6 °C болады деп болжанып отыр. Облыстың солтүстігінде, шығысында қар аралас жаңбыр жауады. Ал екінші мамырда тұман болуы ықтимал. Түнде +1+6 °C, күндіз +5+10 °C болады.
