Облыстық қоғамдық штабтың мүшелері эвакуациялық пунктердегі тұрғындармен кездесіп, өтемақы алу тетігі бойынша түсіндіру жұмыстарын жүргізуде, деп хабарлайды Qyzyljarnews.kz тілшісі.
Жергілікті штаб қызметкерлері өтемақы алу үшін құжаттар пакетін жинауға көмек көрсетіп келеді. Бүгіннің өзінде екінші деңгейлі банктер жұмыспен қамту орталықтарына жүгіну үшін деректемелер ұсына отырып, сол жерде шоттар ашу туралы уағдаластыққа қол жеткізді.
Қоғамдық штаб мүшелері гуманитарлық көмек жинау пункттерінің жұмысын да үйлестіріп келеді.
Қазіргі уақытта 11 мыңнан астам адамды қамтитын 170-тен астам кездесу өтті. Қоғамдық штабтар осы бағытта жұмысын жалғастыруда.