Солтүстік Қазақстан облысында бірер күнде көктемгі егіс науқаны басталады. Мамандардың айтуынша, биыл болған су тасқыны дала жұмыстарын уақтылы өткізуге әсер етпейді, деп хабарлайды Qyzyljarnews.kz тілшісі ҚазАқпарат агенттігіне сілтеме жасап.
Қазіргі уақытта диқандар ылғал жабу жұмысын аяқтауға жақын. СҚО ауыл шаруашылығы және жер қатынастары басқармасы баспасөз қызметінің мәліметінше, техника дайын. Шаруалар литрі 250 теңге болатын дизель отынымен қамтамасыз етілді. СҚО-ға көктемгі дала жұмысына 57,6 мың тонна дизель отыны қажет. 54,5 мың тоннаға шарт жасалды, операторлар 41,5 мың тоннаны сатып алды.
— Биыл 4,5 млн га алқапқа дақыл егіледі, оның 3,4 млн га – дәнді дақыл. 751 мың га майлы дақыл, 379 мың га жемшөп және 26,5 мың га көкөніс, соның ішінде картоп отырғызылады. Тұқым жеткілікті. Биыл сортты жаңарту көрсеткішін 10%-ға жеткізу жоспарланған. Осы көрсеткішке қол жеткізу үшін облыстың ауыл шаруашылығы құрылымдарын 48,5 мың тонна элиталық тұқым себуі қажет, — дейді ведомствоның баспасөз қызметінің өкілдері.
Су тасқыны көктемгі егіс науқаны барысына әсер етпейді. Қазір су астында шамамен 1 200 га жер жатыр, су ақырындап кетуде, қажет болған жағдайда оның орнына парға қалдырылған алқаптар қолданылмақ.
Егіс науқанын мерзімінде атқаруға 12,7 мың трактор, 14 мың астық сепкіш, 1,5 мың заманауи жоғары өнімді егіс кешендері, 5 805 жүк көлігі тартылмақ. Облыс аумағында 219 машина-трактор шеберханасы бар, барлығы штаттық режимде жұмыс істейді.
— Ауыл шаруашылығы саласын мемлекеттік қолдау аясында биыл 60,8 млрд теңге бөлінген. Оның ішінде өсімдік шаруашылығы саласын дамытуға – 20,4 млрд теңге: тұқымға – 1,8 млрд теңге, пестицидтерге – 11,3 млрд теңге, тыңайтқыштарға 7,4 млрд теңге жұмсалмақ. Мал шаруашылығына – 10 млрд теңге, басқа бағыттарға – 30,4 млрд теңге бөлінеді. Бүгінгі таңда бұл қаражаттың 24,3 млрд теңгесі игерілген. Қаржы институттары көктемгі дала жұмыстарын қаржыландыруға 62 млрд теңге, оның ішінде «Кең Дала» бағдарламасы бойынша – 22 млрд теңге, «Азық-түлік корпорациясы» АҚ форвардтық сатып алу бағдарламасы бойынша 14 млрд теңге, «ҚазАгроҚаржы» АҚ 26 млрд теңге бөлді, — дейді баспасөз қызметіндегілер.
Мамандардың айтуынша, бұдан бөлек көктемгі егіс жұмыстарын несиелеуге «Даму» Қорының кепілдігімен 5% мөлшерлемемен «Кең Дала – 2» бағдарламасы бойынша қосымша 84 млрд теңге бөлінді.
Көктемгі егіс науқанына қатысты жағдайды бақылау үшін жедел штаб құрылды. Туындаған мәселелер осы жерде жедел түрде қарастырылады.
Солтүстік Қазақстан облысында күннен күнге егіс науқаны басталады. Фермерлер ылғалды жабу жұмыстарын аяқтайды. Жоспарланған жоспардың 98%-ы орындалды, ауыл шаруашылығы мамандары 100 пайыздық көрсеткішке қол жеткізді. Техниканың дайындығы 100%-ды құрайды, аграршылар литріне 250 теңгеден арзандатылған ЖЖМ-мен қамтамасыз етілген. Су тасқыны жұмыс барысына әсер етпейді. Қазір су астында шамамен 1 200 га жер қалады, су кетуі керек, бірақ қажет болған жағдайда бу алаңдары қолданылады.
