2030 жылға дейін тозығы жеткен жылу желілерін 43%-ға азайту жоспарлапы отыр. Бұл туралы Өнеркәсіп және құрылыс министрі Қанат Шарлапаев мәлім етті, деп хабарлайды Qyzyljarnews.kz.
— Жергілікті атқарушы органдардың деректеріне сәйкес жылу желілерінің жалпы ұзындығы шамамен 13 мың шақырымды құрайды. Олардың 53% тозған және шамамен 7 мың шақырым ауыстыруды қажет етеді. Атап айтқанда, жылу желілерінің Павлодар облысында (Екібастұз – 91%, Павлодар – 83%), Ақмола облысы (Степногорск – 82%, Атбасар-76,5%), Солтүстік Қазақстан облысы (Петропавл-74%), Қостанай облысы (Арқалық – 68%, Рудный – 68%), Маңғыстау облысы (Ақтау – 71%) және Қарағанды облысы (Теміртау – 67%) тозығы жеткен, — деді Қанат Шарлапаев Үкімет отырысында.
Сондай-ақ, министр 2030 жылға дейін жылу желілерінің тозуын 43%-ға төмендету қажеттігін айтты.
— Ол үшін жыл сайын шамамен 350 шақырым жылу желілерін жөндеу қажет. Оған жылына шамамен 250 млрд теңге қаражат керек. Өткен жылы қаржыландыру көздері есебінен 336 шақырым жылу желілері жаңғыртылды, — дейді ол.
