Жыл басынан бері прокурорлардың актілері бойынша шаралардан бас тартқаны үшін 3 мемлекеттік органның басшысы Әкімшілік құқық бұзушылық кодекстің 664-бабы бойынша айыппұл түріндегі жауапкершілікке тартылды, деп хабарлайды Qyzyljarnews.kz.
СҚО прокуратура мәліметінше, Жамбыл ауданының әкімдігі «Прокуратура туралы» Қазақстан Республикасы Конституциялық заңының талаптарына қайшы, прокурорлық қадағалау актісі бойынша бюджеттік заңнаманы бұзушылықтарды жою бойынша шаралар қолданбаған. Осындай фактілер Петропавл қаласы әкімдігінің жер қатынастары бөлімі мен Ақжар ауданының білім беру бөлімінде де анықталды.
Нәтижесінде жоғарыда аталған мемлекеттік органдардың лауазымды адамдары ӘҚБтК-нің 664-бабында көзделген әкімшілік құқық бұзушылықтар жасаған. Бұл прокурордың ұсынуы бойынша шаралар қолданбауынан көрінеді.
Қадағалау органының қаулылары бойынша Жамбыл ауданы әкімінің орынбасары мен бөлім басшылары айыппұл түрінде әкімшілік жауапкершілікке тартылды.
