Петропавлда мамырдың 22-сі күні жеке тұрғын үйлердің бірінде оқыс оқиға тіркелді. 94 жастағы қария газ баллонымен өз үйін жарып жібермек болған, деп хабарлайды Qyzyljarnews.kz.
Оқиға орнынан дереу ауруханаға жеткізілген қария көз жұмды. Бұл туралы СҚО денсаулық сақтау басқармасы мәлім етті.
Естеріңізге салсақ, мамырдың 22-сі күні 94 жастағы қария әйелімен жанжалдасып, үйіне төрт газ баллонын кіргізген болатын. Кейін от қойып, отбасын жарып жіберуге тырысты. Полицейлер аталған фактіге қатысты «өз-өзіне қол жұмсауға дейін итермелеу» бабы бойынша қылмыстық іс қозғады.
— Ауруханаға ауыр халде жеткізілген қария мамырдың 25-інен 26-сына қараған түні ауруханада көз жұмды. Оның денесінің 60 пайызын күйік шалған, — дейді СҚО денсаулық сақтау басқармасы мамандары.
