Бүгін Петропавлда терроризмге қарсы оқу-жаттығу шарасын өткізу жоспарланып отыр, деп хабарлайды Qyzyljarnews.kz.
Іс-шараның мақсаты – құқық қорғау және арнайы органдардың күштері мен құралдарының террористік сипаттағы түрлі қауіп-қатерлерге ден қоюға дайындығын тексеру. Осыған байланысты, сағат 19:00-ден 22:00-ге дейінгі кезеңде Ж.Жабаев, Крепостная көшелері, сондай-ақ Володарский өткелі бойынша көлік қозғалысы шектеледі. Автобус бағыттары мен өзге де көлік құралдары үшін айналма жол ретінде Жамбыл өткелі пайдаланылатын болады.
— Уақытша шектеулерге түсіністікпен қарауды, қауіпсіздік шараларын сақтауды, мемлекеттік органдардың жұмылдырылған қызметкерлерінің заңды талаптарын орындауды, тек ресми ақпарат көздеріне сенуді және жалған мәліметтердің таралуына жол бермеуді сұраймыз, — делінген СҚО бойынша терроризмге қарсы орталықтың таратқан мәліметінде.
