Өткен жылдың қараша айында Петропавл қаласының 53 жастағы тұрғынының жанына бейтаныс ер адам келіп, өзін полиция қызметкері ретінде таныстырған, деп хабарлайды Qyzyljarnews.kz. Ол жедел-іздестіру іс-шараларын жүргізіп жатқан сияқты кейіп танытып, түрлі сипаттағы сұрақтар қоя бастайды. Жәбірленушінің сеніміне кіріп, «тергеу барысында қажет» дегенді сылтау етіп, оның телефонына келіп түскен sms хабарламадағы құпия кодты айтуға көндірген. Кейін анықталғандай, ер адамның атына бір миллион теңгеден астам сомаға несие ресімделген.
Полиция қызметкерлері жуырда күдіктінің кім екенін анықтады. Ол Петропавл қаласының 28 жастағы тұрғыны болып шықты. Ақпараттық жүйені қолданушының сеніміне кіре отырып, оны алдау арқылы жасалған алаяқтық фактісі бойынша қылмыстық іс қозғалды. Ол жеті жылға бас бостандығынан айырылуы мүмкін.
ҚОЙ ТЕРІСІН ЖАМЫЛҒАН
99
алдыңғы жаңалық