106
Қызылжар ауданындағы Надежка ауылында бүтін бір отбасы мүшелері уланып, 3 және 6 жасар екі бала көз жұмды. Үш ересек адам облыс орталығындағы медициналық мекемеге жеткізілген.
Оқиғаға байланысты құқық қорғау органдары «Абайсызда екі немесе одан да көп адамның жаппай улануына және өлiмiне әкеп соққан санитариялық қағидаларды немесе гигиеналық нормативтерді бұзу» бабы бойынша Сотқа дейінгі тергеп-тексеру басталған.
Балалардың әкесінің сөзінше олар ауыл дүкенінен сатып алынған тұшпара жеген.
-Зерттеуге сынамалар алынды, қазір зертханада тексеріліп жатыр. Талдау түріне қарай нәтижелер 3-10 күнде дайын болады, — деді облыстық санитарлық-эпидемиологиялық бақылау департаменті басшысының орынбасары Татьяна Горлова.
