Облыста тасқын судан зардап шеккен отбасыларға 775 баспана сатып алынды. Бұл мақсатқа «Қызылжар асар» қоғамдық қоры 15 млрд. теңге бөлді, деп хабарлайды Qyzyljarnews.kz тілшісі.
Естеріңізге салсақ, көктемгі су тасқыны кезінде 4 мыңға жуық үй су астында қалды. Оның тең жартысы жарамсыз деп танылды. Басым бөлігі Петропавлдағы шағынаудандарында орналасқан.
Қалалық қоғамдық комиссиясының мәліметінше, баспанасыз қалғандардан 1700-ден астам өтініш хат түсті. Олардың 1200-і облыс орталығында пәтер алуға ниет білдірді. Ал 500-і Бірлік шағынауданында үйлі болуға өтініш жазды.
– Баспаналы болғысы келетіндер қажетті құжаттарды жинап, өтініш жазды. Олар сатып алғысы келетін пәтер иелерімен келісіп, әкімдіктен қаражат сұрады. Комиссия әрқайсысын қарастырып, шешім қабылдады, — дейді «Қызылжар асар» қоғамдық қорының директоры Қанат Омаров.
