Биыл облыс бойынша бірінші сыныпқа 7351 бала барады деп күтілуде. Бүгіндері оқушылардың ата-аналарынан 5150 өтініп келіп түсті, деп хабарлайды Qyzyljarnews.kz тілшісі.
Ел көлемінде бірінші сыныпқа баратын балалардың құжаттарын қабылау науқаны өтуде. Ол тамыздың 31-не дейін жалғасады.
СҚО білім басқармасының хабарламасында көрсетілгендей, құжаттарды мемлекеттік egov.kz электрондық үкімет қызметі, жергілікті атқарушы органдардың ақпараттық жүйелері арқылы тапсыруға болады. Бірінші сыныпқа алты жастан асқан балалар ата-анасының немесе заңды өкілінің жеке өтініші негізінде қабылданады.
– Сәуірдің 1-нен бастап балаларды бірінші сыныпқа қабылдау науқаны басталды. Ата-аналар электронды түрде өтініштерін жолдады. Қазіргі уақытта 5150 балғын мектептерге қабылданды, — дейді СҚО білім басқармасының баспасөз қызметі.
Ел бойынша бірінші сыныпқа балалардың ата-аналарынан 335 469 өтініш түсті, оның 310 952-сі қабылданды.
