Солтүстікқазақстандық конькиші алғаш рет Бейжіңдегі олимпиада ойындарына қатысты

Солтүстікқазақстандық Иван Аржаников Бейжіңдегі Олимпиадада конькимен сырғанау спорты бойынша ерлер арасында бақ сынады, деп хабарлайды Qyzyljarnews.kz тілшісі.

Ақпанның 12-сі күні 500 м қашықтықта сынға түскен жерлесіміз сайыс қорытындысы бойынша 28-ші орынға тұрақтады.

-Жарысқа дайындығымыз жақсы болды. Жеңіске жету үшін қолдан келгеннің барлығын жасадық. Өкінішке қарай, бар мүмкіндігімді көрсете алмадым. Бірақ, сайыс өзіме ұнады. Бұл менің Олимпиада ойындарына алғаш қатысуым. Орын алмағаныма қарамастан, өзімнің көрсеткен нәтижеме көңілім толады,-деді спортшы.

Енді Иван Аржаников пен Денис Кузин 18-ақпан күні 1000 метрлік қашықтықта күш сынасады.