182
Биыл облыста Ұлттық бірыңғай тестілеуге мектеп түлектерінің 77,6 пайызы қатысты, деп хабарлайды Qyzyljarnews.kz тілшісі.
СҚО білім басқармасының мәліметінше, биыл мектепті 3332 оқушы бітірді. Оның 77,6 пайызы жазғы уақытта ҰБТ тапсырды.
– Облыста ҰБТ тапсыруға арналған 2 орын бар. Оның бірі Петропавлда шоғырланса, екіншісі – Ғабит Мүсірепов атындағы ауданда. Тестілеу мамырдың 27-сі мен шілденің 11-і күндері аралығында өтті. Өңір бойынша ең жоғары ұпайды Ақжар ауданына қарасты Жаңаауыл орта мектебінің түлегі Қали Хадесов жинады. Ол – 135 балл алды, — деді білім басқармасында.
