Облыста Халықаралық Жастар күнін мерекелеу аясында «Жастармен бірге!» онкүндігі өтіп жатыр. Негізгі іс-шаралар облыстың әр ауданын қамтымақ, деп хабарлайды Qyzyljarnews.kz.
Бүгіндері қала мен аудандардағы жастар ресурстық орталықтарының мұрындық болуымен 69 іс-шара ұйымдастырылды. Оның ішінде Есіл, Жамбыл, Мағжан Жұмабаев және Шал ақын аудандарында «Jasyl Marathon-24» жобасын айтуға болады. Эко-турлар, саябақ аумақтарын, өзендер мен көлдердің жағалауларын тазарту, тарихи-мәдени нысандардың аумақтарын абаттандыру және тазарту жұмыстарын мысалға келтіруге болады. Бұдан бөлек, «Номофобия және оның алдын алу» дөңгелек үстелі, «Қайырымдылық» жастар шахмат турнирі және «Jastar-X» форматындағы жастармен мотивациялық кездесулер, аудандарда «Abai Day» әлеуметтік желілерінде жастар бейне-челлендждер ұйымдастырылды. Сондай-ақ, «Халықаралық Жастар күні» аясында қалада және аудандарда «Enbek Fest’24» Бос орындар жәрмеңкесін өткізу, жастармен кездесулер мен жастардың облыс әкімімен кездесуі жоспарланған.
Петропавл қаласында 2024 жылдың 1 қаңтардағы статистикалық дерек бойынша 14 пен 35 жас аралығындағы жастар саны 56 942 адамды құрайды.
