210
Солтүстік Қазақстан облысы әкімінің төрағалығымен өңірдегі егін орағы науқанын өткізу мәселелері бойынша ауыл шаруашылығы кеңесі өтті, деп хабарлайды Qyzyljarnews.kz тілшісі. Оған ҚР Ауыл шаруашылығының вице-министрі Азат Сұлтанов қатысты.
Солтүстік Қазақстан облысы әкімдігінің ауыл шаруашылығы және жер қатынастары басқармасының мәліметі бойынша, биыл облыс 4,5 миллион гектар алқаптан ауыл шаруашылығы дақылдарын жинауы керек, оның 3,4 миллион гектары дәнді дақылдар, 751 мың гектары майлы дақылдар, 379 мың гектары мал азығы, 26 мың гектары картоп және 5 мың гектары көкөністер.
