421
Бұл күндері Испанияның Понтеведре қаласында өтіп жатқан грек-рим күресінен U20 әлем чемпионатында солтүстікқазақстандық балуан Ислам Евлоев алтыннан алқа тақты.
82 килограмға дейінгі салмақ дәрежесіндегі ақтық кездесуде ол боз кілемде Түркиядан келген балуан Алперен Бербермен кездесті. Жерлесіміз бұл белдесуде айқын басымдық танытып, 9-3 есебімен жеңіске жетті.
Ислам Евлоев Солтүстік Қазақстан облыстық олимпиадалық резервтегі мектеп-интернат-колледждің түлегі болып табылады. Қазір ол Петропавл қаласындағы жоғары спорттық шеберлік мектебінде күреспен айналысып жүр. Чемпионның жеке жаттықтырушысы Қонысбек Түкенов.
