Облыс әкімі Ғауез Нұрмұхамбетов Аризона университетінің вице-президенті Шейн Берджесспен кездесті. Кездесуде жоғары білім саласындағы стратегиялық серіктестік және аграрлық ғылымды дамыту мәселелері талқыланды.
Қазір М.Қозыбаев атындағы СҚУ Аризона университетімен бірге қос дипломдық бағдарламаны жүзеге асыруда, соның арқасында біздің студенттер американдық жоғарғы оқу орнының білім беру ресурстарына қол жеткізді. Мұнда АҚШ, Түркия, Қазақстан және басқа елдердің жетекші профессорлары дәріс береді. Сондай-ақ студенттердің АҚШ-та бір семестр бойы оқуға бірегей мүмкіндігі бар.
Халықаралық бағдарлама бойынша Қазақстанның әртүрлі қалаларынан және шетелден 1000 астам студент білім алуда. Олар дүние жүзінде жоғары бағаланатын Аризона университетінің дипломын алады.
«Біз білім сапасын жақсарту және аймақта тартымды орта құру үшін Аризона университетімен серіктестікті нығайтуды жалғастырамыз», — деп жазды өңір басшысы әлеуметтік желіде.
