Театр труппасының жұмысы грузин спектаклі «Ханума» қойылымының тұсаукесерінен басталады.
Қойылымның тұсаукесері 11 қазанда болады. Спектакльге дайындықты мамыр айында бастаған әртістер бүгінде қызу әзірлікте. Спектакль режиссері Тимур Кәрімжановтің айтуынша, театрдың жаңа маусымы бақыт, махаббат, тыныштық, береке сынды жанға жылу сыйлайтын отбасылық құндылықтардан басталмақ. Күлкі мен әзілге құрылған қойылым көрермендерге қуаныш сыйлайтыны анық.
Жаңа маусымда театрдың шығармашылық құрамы да толыға түспек. Қатарға белгілі режиссер, Мәдениет қайраткері Баатырбек Шамбетов те қосылып жатыр. Бұған дейін режиссер С.Мұқанов атындағы облыстық қазақ-сазды, Қостанай қаласындағы І.Омаров атындағы облыстық драма театрларында еңбек етті. Қазір ол В.Красногоровтың «Кто-то должен уйти» атты комедиялық пьесасына дайындалуда.
Биылғы театр маусымында шығармашылық ұжым Ұлы Жеңістің 80 жылдығы сынды айтулы шараларды да назардан тыс қалдырмауды жоспарлап отыр.
