Ақжар ауданының Талшық ауылындағы мектеп ғимараттың фойесінде екі мұғалім бұрыш спрейін шашқан. Оқиға 2024 жылғы 27 қыркүйекте болған.
Полицияға Талшық ауылындағы мектепте балалардың есінен танғаны, бөлмеден иіс шығып жатқаны туралы хабарлама түскен. Тергеу тобының мүшелері мен учаскелік инспектор оұушыларды, техникалық қызметкерлер мен мұғалімдерді ғимараттан эвакуациялаған , содан кейін олар ғимаратты тексеруге кіріскен.
Облыстық полиция департаменті баспасөз қызметінің хабарлауынша, тексеру барысында осы мектептің екі мұғалімі бұрыш спрейіне қарап тұрғаны, салдарын түсінбей, біреуі спрейді шашып, соңында бөлмедегі ауаға тарағаны анықталған
Оқиға салдарынан 11 және 9 жастағы екі оқушы, сондай-ақ 53 жастағы әйел аудандық ауруханаға жеткізілген. Оларға медициналық көмек көрсетілген, бірақ ауруханаға жатқызудың қажеті болмаған. Бұрыш спрейін шашқан мұғалімдер әкімшілік жауапкершілікке тартылды.
