98
Аққайың ауданында «Астана-Петропавл» тасжолының 435-ші шақырымында жантүршігерлік жол апаты болып, салдарынан екі адам қаза тауып, үш адам зардап шеккен.
Оқиға орнында «Daewoo Nexia» автомобилі мен «КамАЗ 54105» жүк көлігі соқтығысқан. Жол апаты салдары нәтижесінде «Daewoo Nexia» жеңіл көлігінің 40 жастағы жүргізушісі мен 39 жастағы жолаушы алған жарақаттарынан оқиға орнында көз жұмған. Ал 17, 19 және 62 жастағы тағы үш жолаушы түрлі дене жарақатымен ауруханаға жеткізілген. Қазіргі уақытта жол апатының барлық мән-жайын зерттеуге бағытталған тергеу әрекеттері жүргізіліп жатыр, оның нәтижесі бойынша түпкілікті процестік шешім қабылданады.
