253
Бүгін Қарттар күніне орай облыс әкімі Ғауез Нұрмұхамбетов аға буын өкілдерімен кездесіп, «Бірлік» шағын ауданындағы жаңа балабақшаның жанына ағаштар отырғызған.
-Еліміз бен өңіріміздің экономикасына өлшеусіз үлес қосқан қарияларға алғысымды білдірдім. Олар Тәуелсіздіктің тоқырау жылдарында әр салада абыроймен еңбек етті. Бүгінде еңбек ардагерлерінің көбісі құрметті демалыста болса да, қоғамдық жұмыстарға белсене араласып жүр. Өмірлік бай тәжірибелерімен бөлісіп, жас ұрпаққа бағыт-бағдар мен баталарын беруде. Сіздер бізге шабыт сыйлап, төзімділік пен қайсарлықтың үлгісі атандыңыздар.
Айтулы күні барша қарияларға денсаулық, бақыт және ұзақ өмір тілеймін! Әр күніңіз қуанышқа, жақындарыңыздың қамқорлығы мен жылуына толы болсын, — деп жазыпты өңір басшысы әлеуметтік желідегі парақшасында.
