145
Облысымызда темір жол қауіпсіздігіне қатысты оқиға тіркелді.
Алматы-Петропавл жолаушылар пойызының машинисі Жаңажол-Смирново арасындағы учаскеде шұғыл тоқтау амалдарын қолдануға мәжбүр болған. Алайда темір жолда жүрген малдың көптігінен пойыз тоқтау кезінде 22 бас ірі қара малды соғып кеткен. Оқиға салдарынан пойыз 14 минутқа тоқтаған.
Облыстық полиция департаментінің баспасөз қызметінің мәліметіне сәйкес, Петропавл станциясындағы желілік полиция бөлімі малдың иесін анықтап, оны әкімшілік жауапкершілікке тартқан. Аққайың ауданының 45 жастағы тұрғынына темір жол жолағындағы мал бағу ережелерін бұзғаны үшін айыппұл салынды.
