Облыстық перинаталдық орталық дәрігерлері 600 грамм болып туған баланы аман алып қалды.
19 тамыз күні дүниеге келген шақалақ бірнеше ай бойы мамандардың бақылауында болған. Қуанышты жаңалықты перинаталдық орталық мамандары «Инстаграм» әлеуметтік желідегі парақшасында жариялаған.
-Бүгін біз үшін қуанышты күн. 600 грамм болып туған сәбиді анасымен үйіне шығардық, – делінген орталықтың әлеуметтік парақшасында.Сәби салмақ қосқан соң ата мен бала үйге шығарылды.
Жас босанған ана тамыз айынан бастап осы күнге дейін баланың денсаулығына алаңдаған перинаталдық орталық мамандарына алғысын білдірді Нәрестенің әрі-қарай дамып-жетілуі перинаталдық орталық жанындағы ерте араласу орталығы мамандарының жіті бақылауында болады.
Дүниежүзілік денсаулық сақтау ұйымының деректері бойынша жер жүзінде әрбір оныншы бала айы-күні жетпей, шала туады екен. Уақытынан бұрын дүниеге келген шараналар да түрлі келеді. Жарты келі бір уыс қызылшақаның қатарға қосылуына ата-ана да, дәрігерлер де көп тер төгеді.
Жайна НҰРМАҒАНБЕТ
