Петропавлдық дәрігерлер алкогольдік ішімдік ішкен адамдардың неліктен мінез-құлығы өзгеріп, қылмыс жасауға бейім келетінін айтты, деп хабарлайды Qyzyljarnews.kz тілшісі.
-Көп жағдайда мас адамдар өздерін еркін сезініп, жасап жатқан әрекеттеріне жауап бермейді. Зиянды затты шамадан тыс қолдану ішкі ағзаға кері әсерін тигізіп жататыны рас. Әрі алкогольдік ішімдікті пайдалану жүйке жүйесіне де тікелей әсер етеді. Көбі есін жиғаннан кейін өз қолымен жасаған қылмыстарына сенбей, мұндай қадамға баруға қалай батылы барғанын түсінбей жатады, дейді ақхалаттылар.
Тәртіп сақшыларының айтуынша, қылмыстардың басым бөлігі алкогольдік ішімдіктің кесірінен жасалады. Мәселен, жыл басынан бері облыс аумағында 49 заңбұзушылық тіркелген. Оның тоғызында адам денсаулығына ауыр зақым келтірілген.