«Астана-Петропавл» республикалық маңызы бар тасжолының 463 шақырымындағы Ленинск ауылының жанында «Volvo» жүк көлігімен келе жатқан Қырғызстан елінің 63 жастағы жүргізушісі тізгінге ие бола алмай, жолдың жиегіне шығып кетіп, аударылған.
Жүк көлігі 20 мың литр сыра тасымалдаған. Зардап шеккендер жоқ, жүк көлігі механикалық зақымданған. Полиция қызметкерлері және өтіп бара жатқан жүргізуілер қырғыз елінің азаматына ауыр жүк көлігін жолға шығаруға көмектескен.
Ал 21 желтоқсан күні кешке 21 жасар жүргізушінің «Volkswagen Golf» автокөлігінің артқы доңғалағы жарылған. Полицейлер оны бұрқасында «Екатеринбург — Алматы» жолын тексеру барысында байқаған. Тәртіп сақшылары жүргізушіге құрал-саймандарын беріп, көмек көрсеткен.
СҚО полицейлері жүргізушілерге қыста жолда сақ болуды ескертеді. Ауа-райының қолайсыздығында жолдың қауіпті учаскелерінде жылдамдықты төмендету керек, көктайғақ болуы мүмкін екендігін есте ұстаған жөн.
