205
Петропавлдың 47 және 27 жастағы бес тұрғыны құрамында есірткі заттары бар өсімдіктерді өсірумен айналысты деген күдікке ілінді. Облыстық полиция департаменті баспасөз қызметінің мәліметінше, күдіктілерді облыстық есірткі қылмысына қарсы іс-қимыл басқармасының қызметкерлері қылмыс үстінде ұстаған.
Облыстық полиция департаменті бастығының орынбасары Асқар Мұхаметқалиевтің айтуынша, тексеру кезінде олардың үйлерінен жарықтандыру құрылғылары және басқа да қажетті құралдармен жабдықталған «фитоесірткі зертханалары» табылды. Сондай-ақ қарасора өсіндісі мен оның тұқымы алынды. Нәтижесінде полицейлер барлығы 22 түп «қарасора» және 250 грамға жуық «марихуана» мен «гашиш» есірткі заттарын тәркілеп алды. Тергеу жүріп жатыр.
