Петропавл қаласында 8 наурызда көпбалалы аналарға бір реттік төлем жасалады

Халықаралық әйелдер күніне орай төрт және одан да көп баласы бар әйелдерге Петропавл қаласында сыйлық жасалмақ.

Петропавл қалалық әкімдігінің мәліметінше, мерекеге орай берілетін біржолғы әлеуметтік төлемді «Алтын алқа», «Күміс алқа» иегерлері және бұрын «Батыр ана» атағын алған, І және ІІ дәрежелі «Ана даңқы» ордендерімен марапатталған аналар және марапаты жоқ 18 жасқа дейінгі балалары бар көпбалалы аналар алады. «Ерекшелігі – орден, алқа иегерлеріне 10 АЕК мөлшерінде, яғни 39320 теңге, ал басқаларына 5 АЕК мөлшерінде – 20 мың теңгеге жуық әлеуметтік төлем жасалады. Мұндай бір реттік көмекті Петропавл қаласында 1,5 мың әйел алмақ», — деді Петропавл қалалық әкімдігінде.

Ақерке ДӘУРЕНБЕКҚЫЗЫ.