97
«Қазгидромет» РМК облыстық филиалының гидрологтары Қызылжар өңірінің аумағында 7 наурызға дейін гидропосттар желісінде жоспарлы бақылау жұмысын жүргізеді.
Өңірде барлығы 22 гидрологиялық бекет бар, оның үшеуі биыл 1 ақпаннан бастап ашылған. Бұл бекеттерде нивелирлеу жұмысы жүргізіледі. Мамандардың айтуынша, гидрологиялық бекетті нивелирлеу су деңгейіне бақылау жүргізілетін су өлшегіш құрылғылардың биіктігін анықтау үшін қажет.
Бұл жұмыс су нысандарының жай-күйі туралы, оның ішінде су тасқыны кезінде де дәлірек мәліметтер алуға мүмкіндік береді. Сонымен қатар, су тасқыны кезеңінде деректердің жоғары сапасын қамтамасыз ететін гидропост қызметкерлерімен техникалық оқу жүргізіледі.
QYZYLJAR NEWS
