Биыл Ұлы Жеңіске 80 жыл толады Өткен ғасырдағы сұрапыл соғысқа мыңдаған солтүстікқазақстандықтар қатысып, көпшілігі қанды майданнан туған жеріне оралған жоқ. Бүгіндері осы айтулы мерекеге барлық жерлерде дайындық жұмыстары жүргізіліп жатыр.
Осыған орай, облыс орталығындағы «Мәңгілік алау» мемориалы жөнделетін болады.. Бұл жайында қала тұрғындарының өкілдерімен кездесу өткізген шаһар басшысы Серік Мұхамедиев айтты.
—Биыл бәріміз үшін маңызды оқиға — Ұлы Жеңістің 80 жылдығын атап өтеміз. Осыған байланысты «Мәңгілік алау» мемориалын жөндеуді жоспарлап отырмыз. Ол жерді гранит тастармен абаттандырамыз. Ол үшін барлық материалдар дайын, — деді қала әкімі.
Сонымен қатар, Петропавл қаласындағы екінші дүниежүзілік соғысқа қатысты барлық шағын архитектуралық формалар да жөнделіп, жаңартылатын болады. Мамыр айында сенбіліктер ұйымдастырылмақ..
QYZYLJAR NEWS
